ဒေလီရှိချင်းဒုက္ခသည် ၁၀၀ ကျော် သြစတေးလျသံရုံးမှ အင်တာဗျူးခေါ်ပြီ

အိန္ဒိယနိုင်ငံ၊ ဒေလီမြို့မှာ ခိုလှုံနေထိုင်ကြသည့် ချင်းဒုက္ခသည်များကို  သြစတေးလျသံရုံးမှ အင်တာဗျူးခေါ်ယူနေလျက်ရှိပြီး လူဦးရေ ၁၀၀ ကျော် အင်တာဗျူးခံရပြီဖြစ်ကြောင်း သိရသည်။

ဒေလီ Chin Human Rights Organization (CHRO) တာဝန်ခံ ဆလိုင်ကျုံဒေါသ့်က “အခုတော့ အရင်လို Resettlement Program မရှိတော့ဘူး။ Family Sponsorship အနေနဲ့ပဲ ခေါ်ယူနေပါတယ်။ အင်တာဗျူးအခေါ်ခံရသူများထဲမှာ အခုချိန်ထိတော့ Reject ခံတဲ့သူမရှိသေးဘုး” လို့ပြောပါတယ်။

လက်ရှိချင်းပြည်နယ်တောင်ပိုင်းမှာ နယ်မြေလုံခြုံရေးအခြေနေဆိုးရွားနေပြီး အိုးအိမ်စွန့်ခွာထွက်ပြေးမှုများရှိနေတာကြောင့် ချင်းဒုက္ခသည်များဟာ နိုင်ငံတကာရဲ့ အကာအကွယ်လိုအပ်နေပြီး ဒုက္ခသည်အဖြစ်ဆက်လက်အသိအမှတ်ပြုသွားမည်ဟု မက်လ ၁၄ ရက်နေ့က UNHCR မှထုတ်ပြန်ခဲ့ပြီးနောက်ပိုင်း သြစတေးလျသံရုံးမှ ဒေလီချင်းဒုက္ခသည်များကို အင်တာဗျူးစတင်ခေါ်ယူနေတာပဲ ဖြစ်ပါတယ်။

သြစတေးလျသံရုံး အင်တာဗျူးဖြေဆိုမယ့် ချင်းဒုက္ခသည်များအနေနဲ့ အိန္ဒိယလ၀ကထောက်ခံစာ၊ ရဲစခန်းထောက်ခံစာ (Police Clearance Certificate) နှင့် ဆေးစာလိုအပ်ပါတယ်။

ဆေးစစ်တာကိုတော့ သြစတေးလျသံရုံးမှ အိန္ဒိယအစိုးရဆေးရုံတစ်ခုခုကို ဆက်သွယ်ပေးပြီး ဒုက္ခသည်များကို အခမဲ့စစ်ပေးပါတယ်။ ထိုမှတဆင့် ဆေးစာကို အစိုးရဆေးရုံက  သြစတေးလျသံရုံးသို့ တိုက်ရိုက်ပို့ပေးပါတယ်။ လ၀ကထောက်ခံစာနှင့် ရဲစခန်းထောက်ခံစာကိုတော့ အင်တာဗျူးဖြေဆိုမယ့်သူကိုယ်တိုင်  သြစတေးလျသံရုံးကို အပ်ရမှာဖြစ်ပါတယ်။

ဒေလီမြို့မှာချင်းဒုက္ခသည် ၃၅၀၀ ခန့်နေထိုင်ကြပြီး လက်ရှိသြစတေးလျသံရုံးမှ ခ်ါယူနေသည့်အင်တာဗျူးအတွက် ဒုက္ခသည်များဖက်က စိုးရိမ်ဖို့မလိုကြောင်း၊ လိုအပ်သောထောက်ခံစာများ ပြည့်စုံပါက တစ်လမှနှစ်လအတွင်း ဗီဇာထုတ်ပေးနေကြောင်း ဆလိုင်ကျုံဒေါသ့်က ပြောပါတယ်။