A Fanute Lak a Timh ah Motor Thlalang Nih a Ceh i Hringtu Nu Nunnak Liam




Belarus ram ah kum 21 a simi hringtu nu nih a fanute motor leng ah chuah a timh lio ah motor thlalang nih a hngawh a ceh i a nunnak a liam

Belarus ram, Zhabinka peng ah kum 21 a simi hringtu nu cu motor chung ah a ummi a fanute chuah a timh lio ah motor kutka thlalang nih a hngawng in a ceh i a nunnak a liam, tiah theih a si.

Hi hringtu nu hi Yulia Sharko tiah auhmi a si i, Zhabinka peng, Staroe Selo khua ah a vapa Arthur le kum 2 a simi an fanute he khua a sami an si.

An chungkharte in leng an chuahnak in an rak tin. A vapa hi innchung ah a lut chung. Cu lio ah cun motor hmailei ah a thumi kum 2 a fanute cu Yulia nih motor kutka ong loin motor thlalangawng tuin a kut in a hei banh i leng ah chuahpi a timh.

Sihmanhsehlaw, a fanute a chuah lio ah motor chunglei in a fanu nih motor thlalangawng kutka kaiternak hei hmet sual sehlaw a dawh.

Yulia cu motor thlalang nih a hnawng in a ceh i aa chuah kho ti lo. A kut pahnih zong leng lei ah an um caah motor thlalang tumter than ding in a hmet kho ti lo.

A vapa nih Yulia a hmuh tik ah cun mah hngal loin a rak um cang. Sizung ah an kalpi nain Yulia cu motor thlalang nih fak tuk in a rak reh caah a thluak thahri an cat i a nunnak a liam.

Hi thil a can hi August 31, zanlei sml. 4:00 hrawng ah a si i, micheu nih cun kum 2 a fanute nih a thah sual tiah an langhter.

-MNS News