Carson Hall Hlan Man in 2018 Chung ah Ting 50 Leng an Hmuh




Photo - International Chin Literature Society

Joseph Lal Bawi| Hakha khua, HBA tual ah a ummi Carson Hall hlannak man in 2018 chung ah 5,430,000 MMK an hmuh, tiah thawng kan theih.

HBA General Secretary Rev. Nawl Cung Lian nih, “2018 kum chung ah Carson Hal hlan man in kan hmuhmi dihlak hi 5,430,000 MMK a si. Thit-umnak ca lawng ah si loin NGO lei Training peknak ca ah le Concert tuahnak ca zong ah a kan hlan tawn,” tiah The Chin Journal ah a chim.

Thit-umnak tuah tik ah a herhmi thudan le umkheng telh dih in nikhat ah 200,000 MMK in Carson Hall cu an hlanh hna.

Umkheng hman a herh lomi puai tuahnak ca tu ah cun nikhat ah 100,000 MMK in hlan a si.

Chun hlan lawng hlan man ca ah 50,000 MMK lak a si i, thilri hrawhralmi a um sual a si ahcun a hlangtu liamter an si.

Biaknak lei cawlcanghnak ca ah Carson Hall a hlangtu hna cu nikhat ah 20,000 MMK lawng lak an si, tiah HBA Accountant nih a chim.

Aralaimi 2021 hrawng ah hi Carson Hall hi dawh taktak in tharchuah ding in timhtuahnak an ngei, tiah kan theih.