Chin Ramkulh Chung Milu 500,000 Leng Kan Phan: Ngandamnak Lei 2018 Report

Hakha, The Capital of Chin State | Photo - Anau/The Chin Journal

Chin Ramkulh Ngandamnak lei zung nih a chuahmi cazin ning ah Chin ramkulh chung ah milu 522,695 kan um, tiah a langhter.

Chin ramkulh chung ngandamnak kong he pehtlai in Chin Ramkulh Ngandamnak Zung nih 2018 ah hlathlainak a tuahmi cu March 11 ah khan zapi sin theihternak a rak tuah bang in cahmai 87 a simi Chin Health Report (2018) zong atu March thla chung ah zapi hmuh khawh ding in an tar.

2014 ah Ministry of Immigration and Population nih a rak chuahmi Myanmar ramchung milu cazin ning ah cun Chinram ah milu 478,000 an um tiah a rak ti.

Sihmanhsehlaw, ngandamnak lei Community of Health Program (LaKaSa) nih a chuahmi 2018 Annual Evaluation Report ah cun Chin ramkulh chung ah milu 522,695 an um tiah a ti.

SS From Chin State Health Department 2018 Report (March 2019)

Chin ramkulh milu 522,695 ah zatuak in 79% cu khuate khuasa an si hna i a dang 21% hi khuapi ah a ummi an an si hna.

Ministry of Immigration and Population nih 2014 ah a rak chuahmi Chinram milurel (478,000) le atutan ngandamlei chuahmi milurel (522,695) hun zuh tikah kum 4 chung ah Chin ramkulh ah minung 45,000 hrawng kan karh tinak a si.

Ref-Chin State Health Department