Dinti a Har Tuk Caah Van Ruah a Sur Nakhnga Hridawh Puai an Tuah| Video

Atulio Myanmar ram hmun kip ah kum dang nakin a linsat ningcang a zual i dinti zong a har ngaingai.

Abikin Kawlrawn hmunhma pawl dinti khor pawl an reu i acozah nih motor  in dinti a pek chom hna.

Cu lawng si loin Myanmar ram laifang nelrawn hmun pawl ah atu tiang Van ruah a sur lo tikah nikhat hnu nikhat in dinti harnak a fak chinchin.

Cucaah, hlanlio Kawl pupa nih an rak tuah tawnmi hridawh puai cu hmun kip ah tuah a si.

Kawlholh in “Lun-suai-puai” tiah an ti i, Van ruah a sur nakhnga cu puai cu tuah a si. Acheukhat hmun ah cun nihnih chung pehzul in a tuahmi zong an um hna.

Hihi Buddhist biaknak phung cu a si lo; hlanlio Kawl pupa hna nih an rak tuah tawnmi phungphai pakhat a si ve.