Dr. Sasa: Yangon kan Lak Khawh cun Bawmhnak Meithal Ruahsur in Sur Lai

Yangon khuapi kan lak khawh ni cu ramdang lei meithal bawmhnak ruahsur bak in a sur lai, tiah Dr. Sa Sa nih August 12 ah tuahmi online biaruahnak ah a chim.

August 12 ah khan NUG hruainak in Myanmar ramchung SAC ralhrang a dotu ralkap pawl bawmhnak kong biaruahnak an tuah i atu bantuk in Dr. Sa Sa nih a vun langhter hi a si.

Vawleicung ram tampi nih Ukraine sin ah tangka le ralhriam bawmhnak an peknak aruang cu Ukraine ralkap nih an ramchung hmunhma 80% hi an control khawh caah a si, tiah a chim chap.

“Atu ah vawleicung ram dangdang in bawmhnak a kan pe rih lo nain Yangon khuapi kan lak khawh ni cu bawmhnak hi ruahsur in a sur lai. Mah tu hi cu bia kan kam hna,” tiah biakamhnak zong a tuah.

“Abiapimi khuapi pawl kan lak khawh hna i, airport pakhat pahnih hrawng kan conrol khawh a si ahcun ralhraim bawmhnak cu kan sin ah a phan hrimhrim lai tiah bia kan kam hna,” tiah Dr. Sa Sa nih a chim chap.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB