Falam Peng ah Ralhrang nih Pa Pakhat a Mit an Khoih i an Thanh

Falam-Hakha motor lampi, Taal khua le Tlangzar khua karlak SAC ralhrang nih pa pakhat a mitlung an khoih hnu ah a hnawng an aah i an thah, tiah thawng kan theih.

An thahmi pa hi February 27 ah Falam lei in Hakha lei ah motorcycle in a rami a si i, Lungpi ah SAC ralhrang nih an tlaih.

Khuami pakhat nih, “Lungpi ah an tlaih i a motorcycle cu an chiah ta. Aho a si timi kan thei lo. A orhlei mitlung a um lo. A hngawng zong an aah,” tiah a chim.

Thah a tongmi pa hi kum 20-30 karlak minung a si i, vailamtah tthi zong a oih.

Falam-Hakha karlak ah a phanmi SAC ralhrang tirawl a phortu motor pawl cu Taal le Tlangzar khua karlak ah an phan i, nihin ah miakpi an kahmi thawngpang zong khuami nih an theih len.

Taal-Tlangzar karlak ah SAC ralhrang le CDF/CNA karlak kahdohnak a um le um lo belte fiang in theih a si lo.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB