Haimual Inn 8 a Kaang, SAC Ralhrang nih Minung 2 an Tlaih Hna

Nihin August 14, zaanlei sml. 3:00 hrawng ah SAC ralhrang nih Tedim peng Haimual an khangh i inn 8 a kangh pin ah minung 2 an tlaih hna, tiah thawngpang kan theih.

“Ral sakhaan luh hnawh bantuk khin SAC ralhrang nih Haimual khua an luh hnawh. Bomb voi 6 hrawng a puak i inn an kangh. Nu pakhat le pa pakhat an tlaih hna. Pakhat cu hliamhma a pu. Chin ralkap maw an si, khuami sawhsawh dah an si timi kan fiang lo,” tiah a chim.

Haimual khua hi Rihkhawdar he meng 5 a hlatnak ah a ummi a si. Naite ah miphun ralkap nih an dohmi Rihkhawdar pawng SAC ralhrang sakhaan he naihte in a ummi khua a si.

Nihin zaanlei sml. 6:00 hrawng ah Haimual khua inn a kaangmi pawl cu an ciam cang, tiah India leikap ah a zaammi nu pakhat nih a chim.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB