Hakha ah SAC Ralhrang nih Inn 4 an Hrenhpiak Hna

Hakha khua ah ni 2 chung ah SAC ralhrang nih inn 4 an kharpiak hna, tiah thawngpang kan theih.

March 21 ah Dawrhlun sang, Palik zung pawng ah a ummi inn pakhat le Dawrhlun tawlei ah a ummi inn pakhat an kharpiak hna.

March 21 le 22 ah SAC ralhrang nih Hakha inn an hrenhpiakmi hna.

Cun, nizaan March 21 ah Dawrthar sang ah a ummi inn pakhat le Pyidawtha sang ah a ummi inn pakhat an kharpiak chap hna.

Inn an kharpiakmi hna hmai ah ca an tar hna. Cu catar ah cun a tanglei bantuk hin an ttial:

“Hi inn ah hin ralhrang pakhat caankarlak dornak nawl an pek caah ralhrang dohkalhnak upadi pohma 52 ning in inn ngeitu dantat a si lai i, pohma 56 ning in hi inn hi chuh a si,” tiah an ttial.

Ahlan zong ah Dr. Lian Hmung Sakhong inn le a dang inn pakhat an rak hrenhpiak cang hna i Hakha ah SAC ralhrang nih an hrenhpiakmi hna inn 6 hrawng a si cang.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB