Ihkhun Cung Phone Battery Rawn Hmang Pawl Ralrin Bak Herh




Na ihnak ah Phone na ken i ihkhun cung ah a battery rawn buin ka hngilhtak lai tiah na ti ahcun khua voi hnih in na ruah ta a hau lai.

US ram, New Hampshire meithat zung nih, “Kan hmuhtonnak in langhter ahcun ngakchia le nungak tlangval no zatuak in 53% nih hin ihkhun cung ah phone battery an rawn ta buin an hngilhtak tawn,” tiah ralrin peknak a cunglei hmanthlak he khin an langhter.

Pop Sugar timi hlathlainak nih cun, “Ngakchia 73% le tleirawl 89% nih hin ihkhun kiangkap asiloah ihkhun cung ah phone an hman i cuticun battery rawn ta buin an hngilhtak,” tiah a hmuh ve.

Ihkhun cung lawng hmanh ah si loin phone battery rawnnak in Wire Shock a chuak i meikanghnak le thihlohnak tiang a chuakmi konglam vawleicung ah tampi kan ton.

Cucaah, nulepa hna zong nih ihkhun cung ah fale nih phone battery rawn ta buin an chiah nakhnga lo ralrin pek zungzal an herh. Minung thihlohnak le innkanghnak tiang a chuak kho, tiah New Hampshire meithat zung nih ralrin an pek hna.