US Le Israel an i Bawmh Zong ah Kan Tei Diam Hna Lai

US le a hawitha Israel an i bawmh zong ah Iran nih kan tei hna lai, tiah Iran ram runvennak zung vuanci Amir Hatami nih a chim.

“Iran nih runvennak lei thazaang thawng tuk kan ngei. Lenglei ral dohkalnak ca ah kan ralkap an i timhtuahnak ningcang zong a tlamtling tuk cang. American-Zionist pawl cu kan tei diam hna lai,” tiah Hatami nih a chim.

Middle East ah a ummi US ralkap hmunkhuarnak pawl Iran nih tuk a timh timi thawngpang a len caah Iran dohkalh ding in US timhtuahnak a ngei cuahmah.

Middle East ah US nih raldohnak tilawng le vanlawng ralkap bu a thlah cang bang in B-52 Bomber vanlawng zong a zuanter cang.

Cun, nizan nai ah khan Iran rocket bomb pawl a kapthlaktu ding ah Anti-Missal Defense System zong Middle ah US nih a hun cang.

-Reuters