MMA Vuak Thiam nih Kung Fu Saya Ngakchia Tuah in a Tuah| Video




A Hu vs Tang Duoji

Atukum cu Tuluk nunphung vuak ningcang Kung Fu ca ah sunghzatlaknak le ningzah mualphohnak nih a tlunh kum, tiah ti khawh a si.

Online ah an tarmi pawl video zoh tik ah atukum chung ah MMA vuak thiam le Tuluk Kung Fu saya i vuaknak puai hi a tlawm bik voi thum an tuah i, Kung Fu saya pawl zohchia tuk in an sung lengmang.

Cu chung ah cun MMA vuak thiam A Hu le Kung Fu saya Tang Duoji an i vuakmi puai ko nih hin Tuluk Kung Fu limhaang a zorter taktak.

MMA vuak thiam A Hu hi Kung Fu saya Xu Xiaodong he zong atukum chung ah aa phomh cang i cu lio ah cun Round 1nk second 72 ah A Hu nih Xu Xiaodong cu ngal ko in a chuih a rak tei cang.

Atutan zong hi Tuluk ram ah Gong Quan timi Kung Fu cawnnak sianginn a ongtu Tang Douji nih A Hu cu a run chuah hnawh. (A tang Video hi zoh)

A Hu nih Kung Fu saya Tang Douji cu tthatthi hmanh in a thong duh lo i, capo in nudok-padok vuak bantuk in a cumh men.