Movie Thlak Ding in Hakha ah a Kal Tiah an Ruah Caah Sabina Nih a Hun Fianh Hna

Chinmi chung in Myanmar ram ah Model le Miss zong a simi Sabina Lal Rem Ruat cu mi tampi nih Hakha ah movie thlak ding in a kal rua tiah an ruah.

Cucaah, pumpak a Facebook Chatbox zong in dawtu hna le dirkamhtu tampi nih “Movie thlak ding in maw Hakha ah na kal?” tiah an hal.

Cucaah, Sabina nih May 7 ah khan, “Movie thlak ding  in Hakha maw na phak tiah a ka haltu ka dawtle hna, kei ka kal lo ee tiah hmuh kan duh a ka titu le Chatbox in a ka haltu nan zapi thawng kan thanh hna,” tiah a Fan pawl sin ah lehnak a tuah.

Sabina cu atukum thawk lei ah Yangon khua ah an rak tuahmi Miss Ethnic Myanmar 2019 dawh zuamnak ah Chinmi aiawh in aa zuam i 2nd Runner Up laksawng le Miss Best National Costume laksawng tiang a hmutu a si.

Hakha ah Movie thlaknak kong he pehtlai in vehvatnak tuah ding in a kalmi cu Miss Ethnic Myanmar 2019 thotho ah Chin miphun aiawh in aa zuam i Best in Talent Award laksawng a hmutu Miss Magaret kha a si.