Myanmar Vs Mongolia World Cup Ke-Hneksak Puai Zohnak| MM 3:30 PM




Mongolia vs Myanmar (Sep 5, 3:30pm Myanmar Time)

2022 ah tuah dingmi Leilung huap bawlung chuih zuamnak puaipi (World Cup) ah luh khawh ve ding in Myanmar le Mongolia cu nihin zanlei suimilam 3:30pm (Myanmar Time) ah an chuih cang lai.

Asinain, Mongolia ram cozah nih Myanmar le Mongolia puai hi vawleicung zei dang ram hmanh ah piahnak nawl a pe lo. Facebook Live zong in hmuh khawh a si lai lo, TV Channel pawl zong ah hmuh khawh a si lai lo.

Zoh khawh nakding lam pakhat lawnglawng an onh. Cucu anmah Mongolia ram ta a simi Application le anmah Website lawng in zoh khawh a si.

Cu an Application cu “MyCujoo” ti a si i na phone i Google Play ah khan hei kal i download tuah a hau. MyCujoo download tuah hnu ah cun Free in zoh khawh a si cang.

Cun, Computer in zoh a duhm hna nih https://mycujoo.tv timi website ah luh i Free in zoh khawh thotho a si.

World Cup Ke-hneksaknak puai (World Cup Qualifying Match) cu thawk a si cang i Myanmar he September 5 ah a chuih dingmi Mongolia hi Brunai he voi khat an chuih cang – 2:0 in Mongolia nih Brunai cu a tei.

Myanmar cu voi khat hmanh a chuih rih lo i atu hi a voi khatnak puai a chuih a si lai.

Atutan Myanmar aa telnak Gruop ah hin Mongolia, Tajikistan, Kyrgyzstan le Japan tiin an i tel hna.

Mongolia he ke-hneksak puai i cil ding in Myanmar National Football Team cu September 1 ah khan Mongolia ram ah an phan cang.

Myanmar coach Miodrag Radulovic nih, “Nai Singapore he kan chuih kha kan tei hna. Atu zong ah zumhnak kan ngei ngaingai ko. Thaizing puai ah result tha kan hmuh lai tiah kan zumh,” tiah a chim.

2022 World Cup puaipi cu Middle East vawleithen ah a ummi Arab ram Qatar ah tuah a si te lai, tiah theih a si.