Myanmar Zuri Pawl Nih an Tuannak Rawldawr Ngeitu an Thah




Tuluk pa an thahnak sacannak naam/ Bangkok Post

Thailand ram, Bangkok khua ah a ummi rawldawr ngeitu pa thah kong ah Thai palik nih Myanmar rammi 4 an tlaih hna i a dang minung 3 an kawl cuahmah hna, tiah theih a si.

Rawldawr ngeitu hi Tuluk pa Chan Yi Hai (kum 51) a si i, hika rawldawr ah Myanmar pawl hi aluancia thla 8 khan rian a tuan cangmi an si.

Myanmar pawl zu an ri i, hna an cheh tuk caah rawldawr ngeitu nih a sik hna i cu ruang ah cun Myanmar pawl nih an thah hi a si, tiah Bangkok palik nih an chim.

Tuluk pa ruak cu August 30 ah khan inndot thumnak ah an hmuh i a lu, a cal ah hliamhma an um pih ah a orhlei kee zong naam in an tuknak ah a kiak.

An thahnak inn dot khatnak hi rawldawr ah an hmanmi a si i, a dot hnihnak hi Myanmar riantuantu pawl an umnak a si. Myanmar pawl khaan ah cun zu palang tampi zong an char i Tuluk pa an tuknak thirfung le sacannak naam zong palik nih an hmuh.

A dang a taangmi minung 3 tlaih chap khawh ding in Thai palik nih kawlhawlnak an tuah cuahmah, tiah theih a si.

-Bangkok Post