Na Paw Chung Nausemte a Cawlcang Maw? Zei Ruang ah Dah a Cawlcangh?




Yahoo

Nu kip nih naute an hun pawi i an paw chung i nausemte cawlcangh hram a hun thawk tik ah thanuamnak le lunghmuihnak in an khat tawn.

A tlangpi in pum chung i nausemte hi zarh 16 le zarh 25 karlak hrawng ah cawlcangh hram an thawk tawn.

Asinain, nauter a pawimi hna tu cu nausemte zarh 25 hrawnghrang a si ah a cawlcang tawn.

A pahnihnak naute asiloah mah hlan ah nau a ngei cangmi han tu cu pum chung i an naute zarh 13 hrawnghrang a si hin cawlcangh hram an thawk tawn ve.

Pum chung i nausemte a no tuk rih lio ah cun a cawlcanghmi theih a si lo nain zarh 21 hrawng a si ah cun a hun cawlcanghmi fiang ngai in theih khawh a si cang. Araung cu nausemte a kutke pawl than hram an thok cang caah a si.

Hringtu nu pumchung i nausem a cawlcangh bik caan hi zaan sml. 9:00 le zinglei sml. 1:00 hrawng ah hin a si.

Aruang cu hi caan hi nau a pawitu hringtu nu thisen chung i a thlummi dat pawl an hun i thlennawn caan a si caah a si. Cucu tihnung thil a si lo i siningkel a cang tawnmi a si. Cucaah, hringtu nu hna zong nih thinphang in um ding a si lo.

Cun nausemte a hun upat deuh tik ah lenglei in nu paw rak tonghthammi le awaan hna kha a theih khawh ve cang tik ah a cawlcang khun tawn ve.

Nausem kut le kee pawl tha tein an hun than caan, naupawinak zarh 28 hrawng a si ah hin nikhat ah nausemte voi zeizah dah a cawlcangh ti hi nu hna nih relpiak khawh ah a tha tiah sibawite nih ruahnak an pek.

Aruang cu hi caan ah hin cun pumchung i nausemte hi suimilam pahnih chung ah voi 10 tal a cawlcangh awk a si tiah sibawite nih an chim.

Suimilam pahnih chung na naute voi 10 tal aa cawlcangh lo a si ahcun sii-inn ah i piah ding in forhfialnak an tuah.

Asinain, nu hna nih thinphan tuk ding a si lo. Nau aa hlawh caan le na ih caan aa tong kho. Cun, pumchung i nausemte dai tein aa hngilh caan le na hlauh caan zong aa tong khomi a si thotho.

Catialtu – Dr. Thin Yadanar

Editor – Dr. Thurein Hlaing Win

Note: A cunglei capar hi Myanmar ram ah Official in tuahmi Hello Doctor timi Page ta kan lakmi a si. A thiammi sibawite nih an tialmi capar a si.