Phakan ah Lungvar Cawhnak Vawlei a Mim, Minung 18 Nunnak Liam




July 28 zinglei ah Kachin ram, Phakan ah lungvar cawhnak tlaang a cim i, minung 18 an nunnak a liam, tiah theih a si.

Vawlei a cimhnak hmun hi Phakan peng, Kayinchaung khuate pawng i Singlung tlang tiah an auhmi a si i, lungvar company riantuantu minung 15 le palik pathum vawlei nih a chimh hnawh hna i an nunnak a liam.

Zinglei sml. 2:00 hrawng ah vawlei cimhnak a chuah hi a si. Hika zawn hi Yar Zar Htan-ni lungvar company nih rian a tuannak a si i, vawlei mimh ruang ah palik pahnih zong hliamhma an pu.

Lungvar cotu le vawleivor lak ah lungvar a kawltu pawl an um lo lio caan zingkate a si i, a nunnak a liammi hna zong hi anmah Company riantuantu le runvennak a latu palik pawl an si hna.

-MRTV