Phakan Lunghring Cawhnak Nu Cheuchum Ritsii an Hmang| Video




Phakan Lunghring kawlmi nu rithaisii aa chunh lio

Myanmar ramchung hmunkip in Kachin ramkulh, Phakan ah lunghring kawl awkah a kalmi nu vialte lak ah acheuchum cu rithaisii an hmang, tiah theih a si.

RFA nih hlathlainak a tuahmi ah Daw Khawm Mai (kum 38) timi nu nih ritsii a hmannak kong pianghlang tein a langhter.

Caan saupi ritsii aa chunh cang tikah a ban ah ritsii chunh ding in thihri kawl zong a har tuk cang.

Daw Khawm Mai¬† nih, “Yama timi ritsii kan hman ah cun ih kan duh ti lo. Riantuan duhnak lung kan ngei. Rian zong kan tuan kho deuh i tangka zong kan hmu deuh. Pa pawl he zong kan um/it ti ko deuh,” tiah a chim.

Atu bantuk in ritsii hman ruang ah HIV zawtnak aa chawnmi pawl cu inn zong an hlanh duh hna lo caah mah tein deu an i sak i khua an sa. Company pawl nih an hlonhmi lunghring cawhnak leivor ah lunghring an kawl tawn. A cunglei video kha tlamtling tein hei ngai ve.