Philippines Nudok-padok Model Nih Myanmar ah Siangngakchia Bawmhnak a Tuah




Philippines Model Sinon Loresca

Philippines ram lawng ah si loin Asia chung hmanh ah min a ngei ngaimi nudok-padok model Sinon Loresca nih September 4 ah Yangon khuachung i sianginn cheukhat ah pumpak in a kal i siangngakchia pawl sianginn kainak thilri laksawng a pek hna, tiah theih a si.

August thla donghlei ah khan Myanmar ram ah tuahmi Miss Earth Myanmar 2019 zuamnak ah Judge tuan ding in an sawm i Myanmar ah a rung rat hi a si.

Model Sinon Loresca a minthan khunnak hi Cat Walk timi lamkal ningcang hawihlei in a thiam i a pumrua le a hmai tuah he zong aa tlak tuk an ti theo.

September 4 ah Philippines ah a tlung ding a si cang caah a tlun laite ah laksawng tampi a cawk i siangngakchia pawl sianginn an tum pah ah pumpak in a pek hna hi a si.

Sianginn lawng ah si loin Yangon lamkam ah an chiahmi Food Box zong ah eidin khat tur in a rawnpiak hna. Cun, Kawl phungning in phungki sianginn zong ah hlutnak a tuah, tiah theih a si.