SAC Ralhrang nih “Cin Biak Thang” an Hremnak ah a Nunnak a Liam

Kalaymyo ah SAC ralhrang nih an tlaihmi kan Chin tlangval Cin Biak Thang (kum 26) cu fak piin an hrem hnu ah an thah, tiah thawng kan theih.

Nizaan September 13 ah khan Kalaymyo, Hlaingthayar sang le Kyotongpyin sang ah bomb voi 2 a puak i, Cin Biak Thang cu SAC ralhrang nih lunghrinh in an tlaih.

Bomb puahnak a chuah hnu in SAC ralhrang bawi Nan Win Soe le a misa pawl nih Cin Biak Thang cu bomb puahtu na si tiah sual an phawt i an tlaih.

Chungkhar he zong tonternak ngeih loin fak piin an hrem hnu ah an thah, tiah Kalaymyo khuami hna nih an chim.

Nizaan tihni September 12 zong ah khan Kalay peng, Kanpalay khuami Ko Nay Thu Htun cu SAC ralhrang nih PDF na si tiah an tlaih i, a thih le a nun fiang in an thei lo.

Ko Nay Thu Htun zong hi an hremnak ah fak tuk in hliamhma a pu. Siithlopnak nal zong an pek lo caah a thi kho men, tiah an zumh.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB