SAC Ralhrang nih Mindat Khaute Bomb an Thlak, Khuami 2 Nunnak Liam

SAC ralhrang nih Mindat peng khuate ah vanlawng in bomb an thlak caah khuami pahnih an nunnak a liam, tiah Mindat peng uknak lei bu nih thawngpang an chuah.

Nihin July 2, zinglei sml.11:00 hrawng ah SAC ralhrang nih Fighter vanlawng pahnih in Mindat khuate pahnih bomb in an thlak hi a si.

“Vomtu khua lei in vanlawng a rak kai i, Mindat lei ah a kal lai tiah kan ruah. Asinain, Chiat khuate lei ah a panh. Khuachung i cacawnnak sianginn bomb in a kah. Khuami pahnih an thi. Hliam a pumi zong an tam ngai. Hmun kip ah an zaam cio hna i sii lei mibawmtu pawl tunai bak kha an vung kal,” tiah khuami pakhat nih BBC ah a chim.

SAC vanlawng bomb ruang ah khuami pahnih an nunnak a liam i hliamhma a pumi zong an tampi, tiah an langhter chap.

Khuachung ah a ummi sianginn le biakinn i sel in bomb an thlak hi a si, tiah Mindat peng uknak lei bu thawngthanhnak ah an langhter.

Atutan hi SAC ralhrang nih Mindat peng chung kahdohnak ah a voi 2nk vanlawng a hman a si.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB