Sipin Vuanci U Soe Htet Nih Pupa Ram Kong ah Chin Media a Ton Hna




Joseph Lal Bawi| February 19 zanlei ah Chin ramkulh Sipin vuanci U Soe Htet nih Chin Media Network (CMN) chungtel Media phu pawl tonbiaruahnak a ngeih hna, tiah theih a si.

Tonbiaruahnak hmun ah abikin atulio Laitlang ah an buaipi ngaimi pupa ram kong ah U Soe Htet nih a chim.

Chin Media pawl nih Hakha hmunsamhnak kong hi tling deuh in tial ti kan duh ko, thil hmaan nan tial lo tiah kan tinak cu a si lo, tiah U Soe Htet nih a chim.

“Kanmah cozah lei nih thil tha kan tuahmi zoh loin mipi chimmi deuh lawng nan tial tawn. Media zong nih kan chiatnak deuh lawngte nan chim. Hihi kanmah nih cun thanchonak kan tuahmi a si tiah kan ruah,” tiah a chim chap.

“Chinmi thanchonak caah khua kan khaanmi cung ah an lung a tlin lo a si ahcun zulhphung ning tein kan kal ko lai,” tiah U Soe Htet nih a peh chap.