Sizung Ihkhun in a Hun i Hlauh ah “Na Fanule Pathum an Thi Cang” Timi Thawngpang Nih a Don




Sizung ihkhun in a hun i hlauh tik ah na fanule pathum an nunnak a liam cang timi thawngpang nih a don

USA, Idaho ah a ummi Somchai Lurak te chungkhar cu zurit buin motor a mongmi pa ruang ah vawleicung ngaihchiatnak ngan bik nih a hun tlak hna.

Kan hnu August 10 ah khan Somchai Lurak le a nupi Emma Weigand le an fanule pathum an i citmi motor cu zuri pa monghmi motor nih a run pah i Somchai Lurak cu mah hngal loin sizung ah an tlikpi.

Thla khat chung pum cawlcang kho lo le mah hngal loin sizung a um hnu ah Somchai Lurak cu a lung a hun fim.

Sihmanhsehlaw, “Motor Accident ah na fanule an pathum ning in an nunnak a liam” tiah thawngpang an hun thanh.

A nupi Emma zong a hnakpang ruh le a orhlei ban an kiat. Kum 6, kum 5 le kum 3 a simi an fale pathum cu an nunnak a liam.

Zurit buin motor a mong i Somchai te chungkhar a pahtu Matthew Park (kum 45) cu kum 75 tiang thongthlak khawh ding in sihnite nih an i zuam cuahmah, tiah theih a si.

-7News Australia