Thantlang Peng ah Miphun Ralkap nih Ritsi an Tlaih

Thantlang peng, Zahnaktlang ah Mizoram lei ah kalpi an timhmi ritsi (Heroin) a phortu minung 2 an tlaih hna, tiah thawngpang kan theih.

CDF-Thantlang Battalion-4 tang ah a ummi Zahnak Battalion Police nih August 5, zaanlei 4:30 hrawng ah Thangzang le Ruakhua checkpoint ah ritsi a phortu Pu Za Hup le Pu Van Za Ham an tlaih hna hi a si.

An phorhmi ritsi hi Heroin/Bing a si i, azapi ah 150 gram a rit. Atulio ah Myanmar tangka in ting 200 man a si lai tiah an ruahdamh.

Pu Za Hup le Pu Van Za Ham nih ritsii cu Kalay lei in an run phorh i, Mizoram Sangau ah lanhpi ding in an kal lio ah an tlaih hna hi a si.

Pu Za Hup le Pu Van Za Ham cu CDF-Thantlang, Battalion-4 biaceih zung nih bia a ceih hna lai i a sual ning in dantatnak pek an si lai, tiah thawngpang kan theih.

A Fale 2 a Thah hna Hnu ah an Ruh Suitcase Chung ah a Rawn Hna

A fale pahnih a thah hna hnu ah an ruhro pawl Suitcase chung ah a rawngtu South Korea nu an tlaih.

Crime, International

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB