Thongtla PDF Nungak a Khamtu Palik Pa CDM a Tuah

Mandalay ramtthen ah SAC ralhrang nih an tlaihmi PDF nungak palik thonginn in a zaampitu SAC palik Soe Paing cu CDM a tuah cang, tiah Khit Thit Media nih a ttial.

PDF nungak Eh Tandar Aung cu Mahlaing peng palik zung thonginn ah an hren lio ah SAC palik Soe Paing in a rak zaampi.

Soe Paing le Eh Tandar Aung hi ahlan ah aa theihngalmi zong an si lo i, nungak tlangval aa duhmi zong an si lo.

Palik Soe Paing nih a zaampi hnu ah SAC ralhrang a do cuahmahtu Kings Cobra Guerilla Force-MDY sin ah him tein an phan cang.

MDY haotu Mwai Pwai nih, “Pehtlaihnak a rak kan tuah i, harsa ngaiin kan vung lak hna. Atu cu himnak hmun ah an phan cang. Lunglawmh awk ngaingai a si. Soe Naing le Eh Thandar Aung hi aa duhmi nungak tlangval zong an si lo. Soe Naing nih zangfahnak le zawnruahnak hrimhrim in a khamhmi a si. A run kan pehtlaih i suimilam 24 chung ah kan vung lak khawh hna,” tiah a chim.

CDM a tuahmi palik Soe Naing le Eh Thandar Aung cu MRRF၊ MSMF ၊ KCGF (MDY) timi hriamtlai bu hna nih luatnak hmun ah an thlah cang hna.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB