Timit Kahdohnak ah Miphun Ralkap nih Ralhrang Thilri an Lak Len

August 11 le 13 tiang ah a cangmi Timit kiangkap kahdohnak ah kan miphun ralkap pawl nih SAC ralhrang pawl tangka, meithal kuan le a dangdang thilri tam nawn an lak khawh hna, tiah thawngpang kan theih.

August 11, zaanlei sml. 2:00 hrawng in kan miphun ralkap nih SAC ralhrang pawl an buk ah an kal hnawh hna i an vung kah hna.

Hi kahdohnak ah hin SAC ralhrang minung 10 cu an thi lai tiah an zumh. SAC ralhrang nih an zaamtakmi tangka ting 10 hrawng, phone pakhat le a dangdang thilri an lak len.

Cun, nihin zinglei kahdohnak ah SAC ralhrang pawl nih an zaamtakmi meithal kuan tam nawn, kuan bawm, RPG bom pakhat le a dangdang thilri an lak khawhmi a um len fawn. Nihin zinglei kahdohnak zong ah hin ralhrang a thimi an lum len lai, tiah an zumh.

Nihin zinglei thotho ah Hakhathar Lamton ah kahdohnak a chuak tthan. SAC ralhrang nih kah thlorh in an kahmi bomb nih inn pakhat disap pemh lak in a khen.

Hakha-Thantlang lei Timit hrawng lawng si loin Hakha-Gangaw lei zong ah kahdohnak tete a hun um tik ah atukar mipi khualtlawn i ralring hna u sih.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB