Timit Kuang Kahdohnak ah SAC Ralhrang 60 Hrawng an Thi Cang

Thla khat hrawng a rau cangmi Timit vakuang kahdohnak ah SAC ralhrang lei in minung 60 hrawng an thi cang, tiah CNF nih nihin September 1 ah thawngpang an chuah.

July 30 in miphun ralkap le Timit hlei remh a timmi SAC ralhrang karlak kahdohnak a chuak i nihin tiang ah cu thla khat a hun tling cang.

Hi thla khat chung kahdohnak ah hin kan miphun ralkap lei in minung pakhat nih ram le miphun ca ah a nunnak a pek i a dang minung 5 hrawng hliam an pu ve hna.

Timit hlei ser hrimhrim ding in SAC ralhrang nih an hun i tim thluahmah i, Falam lei in le Kalay lei zong in ralkap thazaang chap an i zuam cuahmah tiah CNF thawngchuahmi ah an langhter.

July 30 thawk in Timit kuang lawng ah si loin Hakha khuahcung le khualeng zong ah SAC ralhrang le miphun ralkap karlak kahdohnak pehzul in a chuak.

SAC ralhrang nih an kahmi bomb ruang ah Hniarlawn ah nutung pakhat a nunnak a liam i, Hakha-Gangaw lam ah nutung no pakhat zong SAC ralhrang meithal kuan nih a khen caah a nunnak a rak liam.

“Pu Nei Thlau” a Hremtu Dantatnak kan Pek tiah CDF-Mara nih Thanh

CDF-Mara nih an tlaihmi Lailenpi sianginn sayagyi hremfak a tonmi kong ah CDF-Mara nih fianternak an tuah.

Local

Myanmar Junta’s Airstrike Forces more than 500 Villagers to Flee to India

All the villagers fled their homes. Most of them crossed Indo-Burma border and entered into Mizoram State.

HOME

© 2022 The Chin Journal. All Rights Reserved.

Pyidawtha, Hakha, Chin State

Designed & Developed by SalaiZB