Vawleicung Youtube Cover Hlasa Minthang Bik Nih “Hallelujah” Hla an Sakmi| Video




Pentatonix Group

Atulio vawleicung ah Youtube cung i cover hla pawl a thlah i a minthang bikmi cu “Pentatonix” timi hlasabu an si i mah hna bu nih an sakmi “Hallelujah” timi hla hi zohtu 450 million leng an si.

Pentatonix hlasabu cu US ram Texas State, Arlington ah hram a bunhmi a si i, hlasatu nu pakhat le pa pali i fonh in an sermi bu a si.

2012 le 2012 ah cover hla Album pahnih (PTX, Volume 1 le Volume 2) an rak i chuah i cu lio ahcun Billboard’s Independent Albums cazin top 1 ah an i tel. Cun, 2013 lio i Billboard 200 cazin ah number 10 tiang an rak lut kho.

2016 ah Christmas hla Album zong an rak i chuah. Hi 2016 Christmas Album ah hin cun Cover hla lawng si loin anmah Original hla fung hnih zong an rak telh chih.

Pentatonix hlasabu cu cover hlasaknak in Grammy Awards pathum tiang a hmutu zong an si i, atu tiang vawleicung Youtube ah cover hla a thlahtu lak ah a minthang bikmi an si.

An Youtube min PTXofficial tiah an ti i, Subscribe a tuahmi milu 17.1M tiang an um.