World Cup Ke-Hneksak Puai Myanmar Le Mongolia an i Cil Lai




Mongolia ram ah a phanmi Myanmar National Football Team| Photo - Myanmar Football Federation

2022 ah tuah dingmi Leilung huap bawlung chuih zuamnak puaipi (World Cup) ah luh khawh ve ding in Myanmar ram zong September 5 thawk in aa cil ve cang lai.

World Cup Ke-hneksaknak puai (World Cup Qualifying Match) cu thawk a si cang i Myanmar he September 5 ah a chuih dingmi Mongolia hi Brunai he voi khat an chuih cang – 2:0 in Mongolia nih Brunai cu a tei.

Myanmar cu voi khat hmanh a chuih rih lo i atu hi a voi khatnak puai a chuih a si lai.

Atutan Myanmar aa telnak Gruop ah hin Mongolia, Tajikistan, Kyrgyzstan le Japan tiin an i tel hna.

Mongolia he ke-hneksak puai i cil ding in Myanmar National Football Team cu September 1 ah khan Mongolia ram ah an phan cang.

Myanmar coach Miodrag Radulovic nih, “Nai Singapore he kan chuih kha kan tei hna. Atu zong ah zumhnak kan ngei ngaingai ko. Thaizing puai ah result tha kan hmuh lai tiah kan zumh,” tiah a chim.

2022 World Cup puaipi cu Middle East vawleithen ah a ummi Arab ram Qatar ah tuah a si te lai, tiah theih a si.

-Sandaw Ching