Yangon Muslim Pumhnak a Tuahmi Kawl Buddhist Mibu Nih an Kulh Hna

Yangon ramthen, Dagon Myothit No. 106 sang ah pumhnak a tuahmi Muslim pawl cu Kawl Buddhist milu 100 hrawng nih an kulh hna i khoika hmanh umkal kho loin an tuah hna, tiah theih a si.

“Hi Muslim pumhnak hi ramthen cozah nih a onhmi hna a si. Minung 100 hrawng nih an kulh hna caah atu hi Muslim pumhnak inn cu palik nih an check cuahmah,” tiah Myanmar Islam Bu in U Zaw Min Latt nih a chim.

Nizan May 14 zong ah khan South Dagon i No. 26 sang ah pumhnak a tuahmi Muslim pawl cu Kawl Buddhist phungki cheukhat telh in minung 200 hrawng in an kulh dih hna.

Cucaah, buaibainak a chuak sual lai tiin Muslim pawl an i pumhnak inn cu palik nih an rak khar.

Atu zaan thil sining bel hi fiang in theih a si rih lo. Yangon ramthen cozah nih cun atu bantuk in Muslim pumhnak tuah hi phungning a onhmi hna a si.

May 5 in June 4 tiang hi Islam puai sunglawi Ramadan caan a si i, vawleicung Muslim kip nih nithiang tiin a ulhmi a si.

-Khet Thit Media